ԱՄԵՐԻԱԲԱՆԿԸ ՖԻՆԱՆՍԱՎՈՐԵԼՈՒ Է ՀՀ-ՈՒՄ ԱՐՀԵՍՏԱԿԱՆ ԲԱՆԱԿԱՆՈՒԹՅԱՆ ՏՎՅԱԼՆԵՐԻ ԿԵՆՏՐՈՆԻ ԿԱՌՈՒՑՄԱՆԸ

Ամերիաբանկը հայտարարում է 60 մլն ԱՄՆ դոլարի չափով ֆինանսավորում տրամադրելու մասին Firebird AI ընկերության կողմից Հայաստանում արհեստական բանականության (ԱԲ) տվյալների կենտրոնի կառուցման նախագծին։ Այս քայլը համարվում է Հայաստանի տնտեսության համար կարևորագույն նախագծի ֆինանսավորման գործընթացի մեկնարկը։

Այս նախագիծը, որը կառուցվում է Firebird, NVIDIA և Dell Technologies ընկերությունների, ինչպես նաև Հայաստանի կառավարության համագործակցության շնորհիվ, կդառնա տարածաշրջանում ամենահզոր տվյալների կենտրոնը։ Այն կապահովի հզոր հաշվողական հզորություններ՝ հնարավորություն տալով գիտահետազոտական հաստատություններին, տեխնոլոգիական ընկերություններին և ձեռնարկություններին մեծ ծավալով և արդյունավետորեն կիրառել ժամանակակից ԱԲ տեխնոլոգիաները։ Սա կօգնի ամրապնդել Հայաստանի առաջատար դիրքերը աշխարհի տեխնոլոգիական ոլորտում։

Ամերիաբանկը շարունակում է իր դերը որպես Հայաստանի ամենախոշոր կորպորատիվ ֆինանսավորող՝ առաջարկելով անհատականացված ֆինանսական լուծումներ՝ ուղղված Հայաստանում գործող տեղական և միջազգային ընկերությունների կարիքներին։ Բանկի կորպորատիվ պարտավորությունների պորտֆելը, որը ներառում է լիզինգ և ֆակտորինգ ծառայությունները, գերազանցում է 1 տրիլիոն դրամը՝ սահմանելով նոր, աննախադեպ ցուցանիշ Հայաստանի բանկային համակարգում։

Ամերիաբանկը, որպես Lion Finance Group (LFG) միջազգային ֆինանսական խմբի մաս, շարունակում է իր ռազմավարական մոտեցումը՝ ներդնելով և կատարելագործելով շուկայում եզակի պրոդուկտներ, ծառայություններ և նորարարական հարթակներ՝ ուղղված բավարարելու իր հաճախորդների ֆինանսական և ոչ ֆինանսական կարիքները։ Բանկը դինամիկ զարգացող ֆինթեք միջավայր է, որը նպատակ ունի առաջարկել կյանքի որակը բարելավող ամբողջական լուծումներ։

Բանկի գործունեությունը վերահսկվում է Հայաստանի Հանրապետության Կենտրոնական բանկի կողմից։