Ոչ մի ՔՊ-ի և ոչ մի Փաշինյանի չի հաջողվելու կոտրել հայ ժողովրդին

Այսօր ես ուզում եմ անդրադառնալ մի հարցի, որը, թերևս, ավելի է հիմնարար, քան ցանկացած անհատական դրսևորում կամ պահվածք։ Խոսքը վերաբերում է Հայաստանի Հանրապետության քարտեզի նկատմամբ հայերին ուղղված պահանջներին, որոնք, իմ կարծիքով, ծառայում են բացառապես ադրբեջանա-թուրքական շահերին։

Այս պահանջի իսկական նպատակը, իմ կարծիքով, ոչ թե պարզապես քարտեզի մասին խոսելն է, այլ այն հայերից պահանջելը՝ այն անդադար աչքի առնելու և հիշելու համար։ Եվ այս պահանջի հետևում կան ավելի խորը, ավելի վտանգավոր նպատակներ։

Առաջինը՝ ջնջել հայերի հիշողությունից իրենց պատմական հայրենիքի իրական, ամբողջական պատկերը։ Դա նշանակում է մոռացնել հայկական նահանգները, գավառները, քաղաքներն ու գյուղերը, որոնք դարեր շարունակ եղել են մեր հայրենիքի անբաժանելի մասը։ Մոռացնել սրբապղծված վանքերն ու եկեղեցիները, որոնք հանդիսանում են մեր ազգային ինքնության հենասյուները։

Երկրորդը՝ ուրանալ մեր միլիոնավոր անմեղ նահատակների արյունը։ Պահանջելով, որ մենք մեր պատմությունը սահմանափակենք ներկայիս վարչական սահմաններով, նրանք փորձում են մեր հիշողությունից ջնջել ցեղասպանության ողջ պատմությունը, մեր նահատակների ոգին և մեր հերոսների անունները։

Երրորդը՝ մոռացության մատնել մեր հերոսներին։ Նրանք փորձում են մեր երիտասարդ սերնդին զուրկ պահել ազգային արժանապատվությունից՝ մոռացնելով այն մարդկանց, ովքեր իրենց կյանքը զոհաբերեցին հայրենիքի համար։

Չորրորդը՝ հայությանը պարտադրել իրենց պատմության այլընտրանքային տարբերակը։ Սա նշանակում է, որ յուրաքանչյուր անգամ, երբ մենք խոսում ենք մեր պատմության մասին, մենք պետք է հաշվի առնենք ադրբեջանա-թուրքական կեղծիքները և խեղաթյուրումները։

Հինգերորդը՝ նենգափոխել հայկական ինքնությունը։ Նրանք փորձում են այն դատարկել իր բուն բովանդակությունից՝ հայրենիքի և մշակույթի հետ անքակտելի կապերից։ Այս գաղափարը վերջերս բացահայտ կոչ անելով հրաժարվել հայկական ինքնությունից, տարփողում էր Ժիրայր Լիպարիտյանը։

Վերջապես, վեցերորդը՝ սահմանափակել մեր մտածողությունը։ Նրանք ցանկանում են, որ մեր պետական, քաղաքական և հասարակական մտածողությունը սահմանափակվի Հայաստանի Հանրապետության ներկա վարչական քարտեզի շրջանակներով՝ կտրելով այն պատմական, մշակութային և քաղաքակրթական իր բնական տարածական ընկալումներից։

Բայց, ինչպես ասում է մեր ժողովրդի իմաստուն մայրը, ոչ մի ՔՊ-ի և ոչ մի Փաշինյանի չի հաջողվելու կոտրել հայ ժողովրդին։ Եվ հենց այդ անվախ ասելիքն է, որ պետք է հնչի մեր սրտերում և մտքերում։