ԱՄՆ փոխնախագահի հաշվից ջնջվեց «Հայոց ցեղասպանություն» արտահայտությունը

ԱՄՆ փոխնախագահ Ջ.Դ. Վենսը երեքշաբթի օրը իր X սոցիալական ցանցի էջում հրապարակել և հետո ջնջել է գրառում, որում օգտագործվել է «Հայոց ցեղասպանություն» արտահայտությունը։ Սա տեղի ունեցավ Հայոց ցեղասպանության զոհերի հուշահամալիր այցելությունից հետո։

Սկզբնական գրառումը, որտեղ նշվում էր, որ Ջ.Դ. Վենսը և երկրորդ տիկին Ուշա Վենսը մասնակցել են ծաղկեպսակ դնելու արարողությանը՝ «1915 թվականի Հայոց ցեղասպանության զոհերի հիշատակին», հակասում էր Դոնալդ Թրամփի վարչակազմի քաղաքականությանը՝ չօգտագործել այդ տերմինը հայերի համակարգված սպանությունների և տեղահանության վերաբերյալ։

ԱՄՆ նախագահները, բացառությամբ Ջո Բայդենի, խուսափել են «ցեղասպանություն» բառի օգտագործումից՝ վախենալով վնասել Թուրքիայի հետ կապերը, որը տարածաշրջանային կարևոր դաշնակից է։

Ջ.Դ. Վենսի գրասենյակի պաշտոնյան փորձել է պատասխանատվությունը բարդել աշխատակիցների վրա, որոնք չեն մտնում պատվիրակության կազմում։

Ամերիկայի Հայ Դատի Հանձնախումբը (ANCA) ջնջումը որակել է որպես «ժխտման գործողություն», որը համապատասխանում է նախագահ Թրամփի քաղաքականությանը։

Փոխնախագահը, որը Հայաստան այցելած ԱՄՆ առաջին գործող պաշտոնատարն է, լրագրողներին ասել է, որ հայերը խնդրել են իրեն այցելել այդ վայրը՝ ցեղասպանությունը անվանելով «շատ սարսափելի իրադարձություն, որը տեղի է ունեցել մի փոքր ավելի քան 100 տարի առաջ»։

Վենսի խոսնակը պնդել է, որ նրա էջը հիմնականում նախատեսված է փոխնախագահի գործունեության լուսանկարների և տեսանյութերի տարածման համար, և ցանկացած կարծիք այս հարցի վերաբերյալ պետք է որոնել նրա ավելի վաղ արած հայտարարություններում։

Սպիտակ տան մամուլի քարտուղար Քերոլայն Լիվիտը հաստատել է, որ վարչակազմի քաղաքականությունը չի փոխվել, և հղում տվել է Հայերի հիշատակի օրվա առիթով տարածված հայտարարությանը, որտեղ օգտագործվում է «Հայոց ցեղասպանություն» տերմինը։

Հիշեցնենք, որ 2021 թվականին Ջո Բայդենը դարձել է ԱՄՆ առաջին նախագահը, որը պաշտոնապես ճանաչել է Հայոց ցեղասպանությունը։